حــكــايــة الــ ربع جـنـيـه
مرة واحد كان معاه ربع جنيه..
ففكر يعمل بيه إيه..
يشرب عصير قصب و لا يركب الأتوبيس فقال :
أنا لو ركبت الأتوبيس هيبقي في حل من إثنين:
يإما هقف أو هقعد
لو وقفت مش هيبقي في أي مشكلة
لكن لو قعدت هيبقي
في حل من إثنين:
يإما هيقعد جنبي راجل أو تقعد جمبي بنت
أنا لوقعدت بجانب راجل مفيش مشكلة
لكن لو قعدت بجانب بنت هيبقي في حل من إثنين:
يا إما هنعجب ببعض يا إما مش هنعجب
ببعض
لو ما أعجبناش ببعض مفيش مشكلة
لكن لو أعجبنا ببعض هيبقي في حل من إثنين:
يا إما هنتجوز يا أما مش هنتجوز
لو ما إتجوزناش مفيش مشكلة
لكن لو إتجوزنا هيبقي في حل من إثنين
يا إما هنخلف يا أما مش هنخلف
لو ما خلفناش
مفيش مشكلة
لكن لو خلفنا هيبقي في حل من إثنين :
يا إما هنخلف ولد أو بنت
لو خلفنا بنت تقريبا مفيش مشكلة
لكن لو خلفنا ولد هيبقي في حل من إثنين:
يإما ها يستقيم أو ها ينحرف
لو إستقام مفيش مشكلة
لكن لو إنحرف هيبقي في حل من إثنين:
يا إما يدمن المخدرات أو مش هيدمن
لو ما أدمنش مفيش مشكلة
لكن لو أدمن هيبقي في حل من إثنين:
يا إما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين:
يا إما هيسرقني أو هيقتلني
لو سرقني مفيش مشكلة لكن لو
قتلني ..
ايه
يقتلني ؟؟!!!!!!!!!
لا ياعم أنا أشرب عصير قصب
أحسن