ايه رأيكم نكتب قصيدة مع بعضنا !

انا هفهمكم

بما ان كل اللي بيدخل القسم ده فنان

ايه رأيكم نشترك في قصيدة واحدة

ومش هيكون ليها نهايه

الفكرة باختصار

انك تلتزم بالوزن العام للابيات وانت حر في القافيه

خلاص

انا هبدأ

طول ما يدينا في ايد بعضينا..........نفدر نهدم بيها جبال

طول ما القوة وراها العقل.......... مش هيكون في الدنيا محال

طول ما تحب الخير لاصحابك........تلقي الخير عاوز شيال

طول ما يقينك ساكن قلبك..........مش هيكون للشك مجال

مستني الناس تكمل

علي فكرة انا حاسس ان الموضوع هيبقي جامد

وعلي فكرة القصيدة دي بتاعتي

من تأليفي برضه

طول ما الحب كثير في قلوبنا يبقي اكيد هيهد جبال

حلو جدا ياعبدو الموضوع ده

وان شاء الله نجمع قصيده وتكون جامده

واسمحلى أكمل

لما الكون فى عيونا يضيق....وأما البحر يشد غريق

وتحس اٍنك محتاج لصديق....واٍن الخير فى الدنيا محال

والاٍخلاص صعب النوال....وتفقد كل الآمال

وتتمنى تبعد عن الواقع.....وتطير لعالم الخيال

أكيد هتلاقى صديق جنبك....مش هيكون صعب النوال

يشيل عنك همومك....وللهم دايما شيال

ويقولك ياصاحبى أنا جانبك....ولو همك حمل جبال

طول مايدينا فى ايد بعضينا....نقدر نهدم بيهم جبال

يارب ماكونش بوظتلك الشعر بتاعك

ياريت تقولى رأيك ولو عجبك

نكمل تانى مع بعض

اٍن شاء الله

انا مش هاقدر اشترك معاكو

عشان انا لما بكتب بتبقى حاجة طقت في دماغي
وملهاش علاقة بالوزن والقافية خالص
وبعدين بظبطها
وكمان مش بكتب حاجة من شطرين تقريبا خالص
بس الموضوع حلو

هو الموضوع وحش للدرجة دي؟
محدش بيكمل معايا ليه؟؟

هوه انا يعنى مش ماليه عينيك ياعبدو ولا ايه

إنت اللى بطلت تكتب

ولا انا هكمل لوحدى

موضوع جميل بس أنا مش بعرف أكتب قصائد
أنتوا ممكن تكتبوا و أنا أرسم حركه و حماده يديكوا أداء

» إيه رأيكم