قولى يابهنساوى
ليه داخل بينا وع الشر ناوى
عايز تنقد..أنقد قلمك قبل الناس
ده الناس عندها اٍحساس...مش هتسمحلك تنداس
لو كنا صحيح مش عاجبينك...
فى قوانين بينا وبينك
بتقول اٍنك واضح وصريح
وبتصيب بقلمك...مليون جريح
فرحان أوى فاكر اٍنك....جبار
واٍنك ممكن تخلينا من كلامك....ننهار
وتقيد فى قلوبنا وفى المنتدى باٍيدك....النار
وترد علينا ردود أمرّ من.... الصبار
مفيش حاجه عجباك لاهنا.....ولا هناك
نفسى أعرف وبقول ياترى....هاتبقى ايه آخرتها معاك..؟؟
ياريت تهدى يابهنساوى
وتنسى اٍنك للنقد غاوى
وتبطل ترمى بقلمك....حصاوى
وبكل براءه تقول:أنا ماكنتش ع الشر....ناوى
اٍنقد....قول رأيك...بس ياريت بشكل... مريح
لا يزعل ولا يضايق....وفى نفس الوقت يكون...صريح
وكلمه أخيره هاقولها وخلاص....
ياريت تكسب قلوب الناس
علشان مايجيش اليوم....اللى بينهم تنداس
وبرغم نقدك ليهم....يشيلوك فوق الراس
تحياتى لك
.
.
.
موضوع: رساله الى الأستاذ:( محمد البهنساوى)... 
الثلاثاء أكتوبر 23, 2007 7:27 am
