محمد الب
زائر
 |  موضوع: عفركوش وخط محمول الثانوية  الثلاثاء أكتوبر 23, 2007 1:22 am | |
| يبدو أن عفركوش عفريت القمقم, بتاع فيلم اسماعيل يس بتاع زمان, أصبح هذه الأيام وسط وهج نار الأسعار الملهلبة التي تحرق كل شيء فقيرا, فخرج من القمقم بعد طول تفكير وقال لنفسه أما أروح أبزنس مع حد من العفاريت الأشقية في وزارة من الوزارات وأطلع بقرشين قد كام مليون وأعيش مرتاح واللي يطق يطق وأكل لقمة..
قصدي مهلبية الماظية وشركسية.. فقال لنفسه آه مفيش غير عملية كبيرة, قصدي ضربة العمر.. أيوه طلبة الثانوية العامة الناجحين وعددهم بالملايين.. فرصة أما أتفق مع احدي شركات المحمول وأحد العفاريت أو مجموعة منهم في الوزارة إياها ونحط في كل مظروف لأوراق الطلاب الناجحين علي مستوي مصر خط محمول ونضحك عليهم ونقولهم ده هدية مجانية عشان يتصلوا بيكم
ويقولوا لكم انتوا دخلتوا كلية إيه وناخد مبلغ18,115 جنيه منهم ونحقق ضربة الملايين وكل واحد من العفاريت ياخد كام مليون وتنفض الحكاية ولامن شاف ولامن دري ونعيش ملوك زماننا.
وحتي المسئول الكبير أما طلع علي شاشة التليفزيون وسألوه قال استمارة النجاح والأوراق مجانية أما خط المحمول معرفش عنه حاجة.. هأهأ.. وحتي لم يعرف ايه اللي عمله سيادته.. هأهأ.. العفاريت قالت لبعضها بطل ضحك لحسن يسمعنا وأنت عارف ان الحيطان لها ودان وسلم لي علي الناس الغلابة. |
|
